WANANCHI WATAKIWA KUFUKIA MASHIMO YA TAKA.

Posted on: January 25th, 2018

Afisa Mazingira wa H/W ya Chemba Ndg. Mohamed Semdoe amewataka wananchi wa kijiji cha Chemba kilipo Makao Makuu ya Wilaya ya Chemba kufukia mashimo ya taka mwisho tarehe 31/1/2018  waliyochimba katika maeneo yao ya biashara na makazi ili kuanza utaratibu wa kukusanya taka kwa kutumia kikundi cha vijana chenye usajili wa hapa Chemba.

Ndugu Semdoe amesema, Kuanzia tarehe 1/2/2018 kikundi cha vijana 08 (wanaume 06, wanawake 02) watapita kila jumamosi katika familia na maeneo ya biashara kwa ajili ya kuokota taka sambamba na kuchukua ushuru wa Tsh.500/= kwa kila familia na  Tsh.1,000/= sehemu ya biashara.

“ Tutahimiza uchambuzi wa taka kufanyika kabla ya kuzipeleka kwenye dampo lililopo KM 4 karibu na kijiji cha Gwandi ,kata ya Gwandi ,Wilayani Chemba”. Amesisitiza Afisa Mazingira.