BONANZA LA MICHEZO CHEMBA DC VS KONDOA DC

Posted on: October 27th, 2025

Mapema  tarehe 27, Septemba  2025  lilifanyika  Bonanza la mechezo  la mechi za kirafiki  baina ya Watumishi wa Umma Chemba DC na Kondoa DC lililobeba  ujumbe  wa “Shiriki kupiga kura  kwa maendeleo ya michezo”

Bonanza hilo la michezo lililofanyika viwanja vya shule ya Msingi Chemba  lilihusisha michezo mbalimbali  ikiwemo mchezo wa mpira wa miguu ambapo  timu ya Kondoa DC iliibuka  na ushindi  wa mabao 2 – 1  dhidi ya Chemba DC, michezo mingine ni pamoja na  mchezo wa bao na mchezo wa draft.

Akizungumza katika bonanza hilo la michezo  Afisa michezo wa Halmashauri ya Wilaya ya Chemba  Gerishom Mbehong’hali alisema kuwa  Watumishi wa Chemba DC  wamefurahi kushiriki michezo  mbalimbali pamoja na Watumishi wa Kondoa DC ambapo pia  alitoa shukrani kwa  Mkurugenzi Mtendaji wa Halmashauri ya Wilaya ya Chemba Ndugu Hassan Mnyikah  kwa kuwezesha Wanamichezo wa Halmashauri ya Wilaya ya Chemba kushiriki  kikamilifu Bonanza hilo.

 “Tumecheza na kufurahi pamoja , tumeimarisha afya  na kubadilishana ujuzi, Nawashukuru sana  Kondoa DC  kwa kuendeleza mshikamano,  ushirikiano wa kikazi na kijamii” aliongeza  Ndugu Gerishom

Kwa upande wake  Kaimu Mkuu wa Kitengo cha  Michezo na Utamaduni Halmashauri ya Wilaya ya Kondoa Ndugu  Mohamedi Chillo Akizungumza kwa niaba  ya Wachezaji wa Kondoa DC alisema kuwa ushiriki wao katika bonanza hilo  umetokana na uwezeshwaji mzuri  kutoka kwa Mkurugenzi Mtendaji wa Halmashauri ya Wilaya ya Kondoa  Ndugu Shaaban Millao.

Bonanza hilo la michezo liliandaliwa kwa ushirikiano  wa  Wakurugenzi Watendaji  wa Halmashauri ya Wilaya ya Chemba  na Halmashauri ya Wilaya ya Kondoa  kupitia Vitengo vya Michezo na utamaduni na kufanyika ndani ya Halmashauri ya Wilaya ya Chemba.