TIMU YA WATAALAMU WA HALMASHAURI YAKAGUA MIRADI YA MAENDELEO CHEMBA

Posted on: October 15th, 2025

Timu ya Wataalam wa Halmashauri ya Wilaya ya Chemba tarehe  15, Oktoba 2025 imefanya ukaguzi wa miradi  ya maendeleo sekta ya Afya na Elimu robo ya kwanza Julai – Septemba 2025/2026

Ujenzi wa wa Kituo shikizi cha thawekwa kilichopo Kijiji cha Porobanguma Kata ya Kwamtoro ni miongoni mwa miradi iliyokaguliwa  ambapo kituo hiki kinahusisha ujenzi wa vyumba viwili vya madarasa  na Ofisi kwa jumla ya  fedha kiasi cha shlingi milioni  27,200,000, milioni 25,000,000 kutoka Serikali Kuu na milioni 2,200,000 kutoka mfuko wa Jimbo.

Kituo hiko   shikizi cha Thawekwa kwasasa  kimefikia hatua ya kuezekwa na kina jumla ya Wanafunzi 300 wa darasa la awali hadi darasa la tatu  na Walimu 3 tu.

kufuatia hali ya kusuasua kwa ujenzi wa kituo hiko kutokana na nguvu kazi hafifu kutoka kwa Wakazi wa eneo hilo  Timu ya Wataalam kutoka halmashauri imewataka viongozi wa  Kijiji cha Porobanguma kuendelea kuhamasisha Wakazi wa Kijiji hiko na kuhakikisha ujenzi wa kituo hiko unakamilika kabla ya msimu wa mvua kuanza.

Katika hatua nyingine Timu hiyo ya Wataalam imeitaka Kamati ya ujenzi wa Kituo cha Walimu (Teachers Resources Centre)kuwashirikisha Wananchi wa eneo hilo ili waweze kuchangia nguvu kazi pamoja  kufanya kazi kwa ukaribu na Kitengo cha manunuzi pamoja na maeneo mengine ndani ya Halmashauri ambayo yametekeleza miradi mbalimbali ya maendeleo ili waweze kupata uzoefu na kushirikiana katika kutatua changamoto zinazowakwamisha  katika utekelezaji wa mradi huo.

Ujenzi wa kituo cha Walimu ambao upo katika hatua za walia za ujenzi  (Teachers Resources Centre)kinachojengwa Kata ya Farkwa  unahusisha ujenzi wa vyumba viwili na matundu mawili ya vyoo kwa fedha kiasi cha shilingi milioni 46,000,000 kutoka Serikali Kuu.

Aidha, Timu hiyo ya Wataalam imeipongeza  Serikali kwa  uboreshaji wa Jengo la Wazazi na watoto wachanga hususan Watoto wanaozaliwa kabla ya umri( Njiti) katika Hospitali ya Wilaya lililofanyiwa maboresho kwa fedha kiasi cha shilingi milioni 25,000,000 fedha kutoka Serikali Kuu  ili kuimarisha na kuboresha mazingira ya utoaji wa huduma  kwa Wazazi na Watoto wachanga.

Hata hivyo, Timu  hiyo ya Wataalam ilikamilisha ziara yake ya ukaguzi wa miradi katika ujenzi wa Shule mpya ya mkondo mmoja na nyumba ya Walimu 2 in 1 unaofanyika eneo la Chemba mjini kwa fedha kiasi cha shilingi milioni 397,200,000 (BOOST)

Ujenzi wa mradi huuu ambao uko katika hatua za awali unatarajiwa kukamilika mwishoni mwa mwaka huu  ili shule hiyo ipokee wanafunzi wapya wa madarasa ya awali na msingi ikiwa ni pamoja na kupunguza mlundikano wa Wanafunzi katika shule ya msingi Chemba mwaka ujao 2026.