WAHAMASISHENI WAZAZI/WALEZI WACHANGIE CHAKULA SHULENI

Posted on: July 30th, 2025

Mkurugenzi Mtendaji wa Halmashauri ya Wilaya ya Chemba Ndugu Hassan Mnyikah tarehe 30, Julai 2025 ameongoza kikao cha Kamati ya lishe robo ya nne   Aprili - Juni 2024/2025 kilichofanyika katika ukumbi wa mikutano wa Halmashauri.

Mnyikah ameelekeza Wajumbe wa kamati ya lishe  kuendelea kuwahamasisha Wazazi/ Walezi kuchangia chakula cha Watoto  wao Shuleni.

"Siyo jambo jepesi kwa mwanafunzi kufanya vizuri darasani huku akishinda njaa kuanzia asubuhi mpaka jioni, wahamasisheni Wazazi wachangie chakula shuleni na ikibidi sheria ndogondogo zitumike kuwawajibisha" amesema Mnyikah

Akiwasilisha Tarifa ya utekelezaji wa shughuli za lishe katika kipindi cha robo ya nne Aprili - Juni 2024/2025 Afisa lishe wa Wilaya Bi  Faith Temu ametaja mafanikio yaliyopatikana katika robo hii ya nne ikiwa ni pamoja na ufanyikaji wa vikao vya lishe,  usimamizi shirikishi  na ukaguzi wa usalama na ubora wa chakula umefanyika kwa 100%, Vijiji vyote 114  vimefanya SALIKI kwa kufuata mwongozo, Asilimia ya Wanafunzi wanaopata chakula shuleni imeongezeka ukilinganisha na robo iliyopita.