Waajiriwa Wapya Watakiwa Kuwajibika Kazini

Posted on: June 29th, 2018

Na Shani Amanzi,

Mkurugenzi Mtendaji wa Halmashauri ya Wilaya ya Chemba  Dkt.Semistatus Mashimba amewataka waajira wapya wa Serikali kuwajibika kazini kwa kufata kanuni na taratibu za Utumishi wa Umma.

Mkurugenzi Dkt.Semistatus Mashimba aliyazungumza hayo alipokuwa na Watumishi wapya ambao ni Maafisa  Watendaji wa  Vijiji wa Wilaya ya Chemba katika ukumbi wa Godown tarehe 25/6/2018.

Dkt.Semistatus Mashimba “Naipongeza Serikali ya Awamu ya Tano ya Mhe.Rais Dkt.John Pombe Magufuli kwa kutoa kibali cha ajira mpya, na mnapaswa kufanya kazi kwa bidii bila kusahau kuwa na nidhamu ya hali ya juu kwa kuwasikiliza na kuwatumikia  Viongozi wa Serikali,Wanasiasa ,Wadau mbalimbali pamoja na Wananchi kwa ujumla”

Naye Afisa Utumishi na Utawala wa Halmashauri ya Wilaya ya Chemba Bi.Carolina Kayombo amesema  suala la ajira walipata kibali kutoka  Ofisi ya Raisi Menejimenti ya Utumishi wa Umma na Utawala Bora cha kuajiri Maaafisa  Watendaji  33 ,ambapo mnamo tarehe 10 na 11 mwezi wa 5/2018 ambapo walifanya usaili  kwa ajili ya kupata hao Watumishi  na kufanya taratibu za kuwaajiri.

Bi.Carolina Kayombo aliongeza kwa kusema “bado tunaendelea kuwapa maelekezo namna ya kufata taratibu za Utumishi wa Umma hasa Muongozo wa Kiutumishi kwa sababu tunaamini  wametoka sehemu mbalimbali ikiwemo  vyuoni moja kwa moja na wengine wametoka vyuoni muda mrefu kwa hiyo siyo wote wanajua taratibu za Utumishi  ndiyo maana tukaamua kukaa nao ili kuwapa Elimu hiyo”