Vijana Watakiwa Kutumia Fursa Ya Ufugaji Wa Nyuki Katika Ujasiliamali

Posted on: May 3rd, 2018

Na Shani Amanzi,

Katibu Tawala wa Wilaya ya Chemba  Ndg.Nyakia Ally amekabidhi mizinga 20 kwa Kikundi cha Vijana wa Chemba ( CHEMBA YOUTH DEVELOPMENT  GROUP-CYDG) ikiwa na lengo la kikundi hicho kujikomboa kiuchumi kwa kupitia shughuli ya ufugaji wa nyuki.

Ndg.Nyakia Ally alikabidhi Mizinga hiyo kutoka kwa  Wakala wa Misitu (TFS) mwishoni mwa mwezi Aprili  2018 ambapo  shughuli hiyo ya Ufugaji wa Nyuki itafanywa na kikundi hicho kwa kusaidiwa na  Wataalam wa Halmashauri ya wilaya kupitia Idara ya Ardhi  na Maliasili pamoja na Idara ya Mazingira katika hatua zote za Ufugaji wa Nyuki.

Ndg. Nyakia amesema “Chemba ni Wilaya iliyobarikiwa katika Utunzaji wa Misitu na kila mara tunatoa elimu kwa Wananchi faida za kutunza Misitu  na tumefarijika sana TFS kuona umuhimu wa kuja Chemba na kutupatia Mizinga hii”