Rais Wa Jamuhuri Ya Muungano Wa Tanzania awaonya Waharibifu Wa Barabara

Posted on: May 2nd, 2018

Na Shani Amanzi,

Rais wa Jamuhuri ya Muungano wa Tanzania Mhe. Rais Dkt. John Pombe Magufuli amewataka Wananchi waache tabia ya kuficha Waharifu wa kuharibu barabara kwa kutoa alama za barabarani ,kwani Serikali imetumia gharama nyingi kutengeneza barabara ya Dodoma hadi Babati,atayefanya uhalibifu wa barabara hiyo atachukuliwa hatua kali za kisheria na wakumbuke  aliwaahidi toka  kipindi cha Uchaguzi  atakamilisha zoezi la Ujenzi  huo.

Mhe. Rais Dkt.John Pombe Magufuli aliyazungumza hayo alipokuwa anazindua barabara  hiyo  yenye Kilomita 251 wilayani Kondoa  mkoani Dodoma tarehe 27 Aprili 2018 na kuhudhuriwa na Rais wa Benki ya Maendeleo ya Afrika (AFDB) Dkt.Akinumwi Adesina na Balozi wa Japan hapa nchini Mhe.Masaharu Yoshida .

Mhe. Rais Dkt.John Pombe Magufuli  amesema “Tunadeni kubwa la kutumikia Watanzania na lazima tufanikishe zoezi hilo  tuachane na matabaka kwa misingi ya itikadi ,ukabila au dini  na vyama badala yake tulete maendeleo na ilani ya Uchaguzi tutazidi kuitumikia na wale ambao siyo wanaccm tutaendelea kushirikiana nao”

Kufuatia maelekezo ya Mhe. Rais wa Jamuhuri ya Muungano wa Tanzania ,Mkurugenzi Mtendaji wa Halmashauri ya Wilaya ya Chemba Dkt. Semistatus Mashimba ameishukuru Serikali ya Awamu ya Tano kupitia Rais Mhe. Dkt.John Pombe Magufuli kwa kuweza kukamilisha barabara ya Babati kwenda Dodoma ambapo kwa Wananchi wa Chemba wananufaika kupitia barabara hiyo katika kufanya shughuli zao za kimaendeleo.

“Wananchi wa Chemba kupitia barabara hiyo watanufaika katika kipindi cha kuuza mazao yao kwani kwa mwaka huu tunatarajia mavuno ya kutosha kutokana na wananchi wetu kutekeleza agizo la  Mhe. Rais Dkt. John Pombe Magufuli  la watu wanapaswa kulima na hatagawa  chakula kwa watu ambao hawajalima na badala yake walime ‘aliongeza kwa kusema hivyo Dkt.Mashimba

 Hata hivyo kazi za ujenzi ziligawanywa katika sehemu kuu nne ambazo ni Dodoma-Mayamaya (Km43.65),Mayamaya-Mela (Km 99.35), Mela-Bonga (Km88.8),Babati-Bonga (Km16.2) na (Km3) za kuingia Kondoa Mjini na mradi huo umegharimu shilingi  bilioni 378.4.