"NENDENI MKAFANYE KAZI KWA BIDII, MZINGATIE TARATIBU ZA UTUMISHI WA UMMA, NA MBORESHE VIWANGO VYA UFAULU"

Posted on: July 9th, 2025

Hayo  yamesemwa na Mkurugenzi Mtendaji wa Halmashauri ya Wilaya  ya  Chemba  leo Julai 9, 2025 Ndugu Hassan Mnyika  wakati akifungua mafunzo elekezi kwa Walimu ( Ajira mpya) wa shule za Sekondari na Shule za  Msingi yaliyofanyika katika Ukumbi wa  MIKUTANO WA hALMASHAURI.

Mkurugenzi Mnyika amesema kuwa Elimu ndiyo msingi wa kila kitu hivyo amewataka Walimu hao wakafanye kazi  kwa bidii, wafuate taratibu za Utumishi wa Umma , waboreshe viwango vya ufaulu ili kuiwezesha Serikali kufikia malengo yake katika sekta hiyo muhimu.

 "Ukiwa Mtumishi wa Umma   unatakiwa kuwa mfano bora katika Jamii kimaadili, hivyo yeyote atakayekiuka  taratibu hizo hatua za kinidhamu zitachukuliwa dhidi yake" Amesema Mkurugenzi Mnyika

Aidha, Ndugu Mnyika  amesema kuwa yeye kama Mwajiri wa Walimu hao yuko tayari kushirikiana nao bega kwa bega  ili waweze kutekeleza majukumu yao kwa ufasaha ambapo pia amewaomba Walimu ha o watakapokutana na changamoto mbalimbali wasiume peke yao bali wawashirikishe Viongozi wao.

Mapema  akizungumza na Walimu hao Mkuu wa Divisheni ya  Elimu ya Awali na Msingi Ndugu Josephat Ambilikile amesema kuwa  Walimu Waliopatiwa mafunzo elekezi ni Walimu 53 wa  Shule za Sekondari na Walimu 40 wa Shule za Awali na Msingi.