Mkuu wa Wilaya Mhe. Simon. Odunga azindua kampeni ya utunzaji Mazingira

Posted on: October 25th, 2018

Na Shani Amanzi,Mkuu wa Wilaya ya Chemba Mhe.Simon Odunga amezindua kampeni ya kisiki kilicho hai ikiwa na lengo la kutunza mazingira kwa kushirikiana na Shirika  lisilo la Kiserikali liitwalo Lead Foundation.

Mhe.Simon Odunga amesema utunzaji wa mazingira  na lishe unamahusiano makubwa  ni vyema wakaachana na tabia ya uchomaji miti ovyo kwani juhudi zinaendelea ikiwemo Wakala wa Misitu nao wameweka Sheria kali juu ya hilo.

‘’Mkumbuke Chemba inashida ya maji,mkombozi wetu  ni miti ikiwemo Kisiki hai  ambacho hakihitaji maji  bali kukombolewa na kitatusaidia kwenye maji,acheni tabia ya Wakulima kufyeka sehemu yote ya shamba badala yake muwe munaacha miti  pembezoni mwa mashamba ambapo inasaidia kulinda mipaka ya mashamba”

Lead Foundation iliandaa programu ya miaka mitatu inayolenga kuwezesha kaya 200,000 katika vijiji 300 vya mkoa wa Dodoma,kutumia njia ya kisiki hai ifikapo 2021 lengo ni kueneza njia hii Mkoa wote wa Dodoma na nchi nzima kwa kustawisha miti ili kutunza uoto wa asili.

Uzinduzi huo ulizinduliwa Tarehe 19/10/2018 na kushirikisha baadhi ya wadau kutoka katika vikundi mbalimbali vya mazingira vilivyopo Chemba, Watumishi wa Halmashauri na Waheshimiwa madiwani katika ukumbi wa godown Chemba.