Mkurugenzi wa Halmashauri ya Chemba akutana na Watafiti wa Uwekezaji

Posted on: September 11th, 2018

Na Shani Amanzi,

Mkurugenzi wa Halmashauri ya Wilaya ya Chemba Dkt.Semistatus Mashimba akutana na Asasi ya Utafiti wa Kiuchumi na Kijamii  na kuzungumza na Watafiti hao walioelekezwa  na Ofisi ya Waziri Mkuu  kuandaa mazingira ya uwekezaji Mkoa wa Dodoma.

Dkt.Semistatus Mashimba amesema “Dodoma ni Makao Makuu ya nchi na muhimu  ijipambanue tofauti na miji mingine,na ni vizuri katika uwekezaji wakaangalia maeneo husika kwa kuzingatia nguvu kazi na gharama husika ya fursa zilizopo”.

Dkt.Semistatus Mashimba aliyazungumza hayo alipokutana na Watafiti hao wa Kiuchumi na Kijamii(Economic and Social Research Foundation-ESRF)  na Menejiment a ya Halmashuri ya wilaya ya Chemba, Tarehe 11/9/2018.

Aidha pia Dkt.Mashimba alitoa ushauri Wizara ya Kilimo na Wizara ya Biashara kuwa na muundo wa pamoja  au kuunda  wakala utakaosimamia uwekezaji ,hususani katika viwanda.

Katika majadiliano hayo watafiti walipokea mapendekezo hayo na kuahidi   kuyawasilisha Ofisi ya Waziri Mkuu.