Maboresho ya Mnada wa Mgambua kwa Ufadhili wa LIC

Posted on: August 20th, 2018

Maboresho ya Ujenzi wa Mnada wa Kijiji cha Magambua  kwa ufadhili wa LOCAL INVESTMENT CLIMATE (LIC).

Na Shani Amanzi.

Mkurugenzi  Mtendaji wa H/W Chemba Dkt.Semistatus Mashimba pamoja na Wataalam wake wamefanya Mkutano wa hadhara, tarehe 19/8/2018 katika kijiji cha Magambua kata ya Lalta kuhamasisha ukarabati wa maboresho ya  mnada wa magambua.

Dkt.Mashimba amewaeleza Wananchi kuwa tayari Halmashauri ya Wilaya ya Chemba imepokea  Tsh. milioni 23 za awali kutoka (LIC) kati ya Tsh.milioni 54 ambazo katika mkataba wa makubaliano wanatoa.

Pia Dkt. Mashimba amewataka  Wananchi kushiriki kikamilifu katika ujenzi wa maboresho ya Mnada na wakumbuke endapo Mnada huo ukiboreshwa kutakuwa na faida kubwa kwa  jamii hiyo kuuza mifugo yao.

Kwa upande wao wananchi  waliridhia kushiriki katika maboresho ya ujenzi wa mnada wao na walitoa eneo ili ujenzi uanze haraka.