DC OKASH AWATAKA WATENDAJI KUHAMASISHA UTOAJI WA CHAKULA SHULENI

Posted on: July 29th, 2025

DC OKASH AWATAKA WATENDAJI KUHAMASISHA UTOAJI WA CHAKULA  SHULENI

Mkuu wa Wilaya ya Chemba Mhe. Halima Okash amewataka Watendaji wa Kata na Vijiji Wilayani Chemba  kuhamasisha Waananchi/ Wazazi juu ya utoaji wa  chakula shuleni.

DC Okash ameyasema hayo mapema  tarehe 29, Julai 2025 wakati akiongoza kikao cha kujadili utekelezaji wa mkataba wa lishe kwa kipindi cha Aprili - Juni 2024/2025 kilichofanyika katika ukumbi wa mikutano wa Halmashauri.

DC Okash amesema kuwa lishe ni ajenda ya Kitaifa hivyo amewataka Watendaji kuitisha mikutano na Wananchi/ Wazazi na kuwahamasisha juu ya utoaji wa chakula shuleni na pia amewataka Watendaji hao kuwasiliana na Walimu wa shule ili kujua mahitaji halisi ya chakula kwa kila Shule.

"Mpaka kufika mwishoni mwa mwezi Agosti tuwe tumepata chakula cha kutosha kwaajili ya Wanafunzi Shuleni" amesema DC Okash

Aidha, Mkuu Huyo wa Wilaya ya Chemba amewaelekeza Maafisa lishe wa Wilaya kuwawezesha Watendaji ili waweze kutekekeza majukumu yao kwa ufanisi ikiwa ni pamoja na kuwahamasisha wanaofanya vizuri ili waendelee kufanya vizuri zaidi katika maeneo yao.