DC OKASH AONGOZA WAOMBOLEZAJI KUAGA MWILI WA BENJAMINI GEROME

Posted on: September 11th, 2025

Mkuu wa Wilaya ya Chemba Mhe. Halima Okash tarehe 11, Septemba 2025  ameongoza waombolezaji  kuaga mwili wa aliyekuwa Mtumishi wa Halmashauri ya Wilaya ya Chemba  Ndugu Benjamini Gerome Mlesa  aliyekuwa akihudumu nafasi ya Afisa Biashara.

Kwa upande wa Ofisi ya Mkurugenzi,  Ndugu Hassan Mnyikah ambaye ni Mkurugenzi Mtendaji  wa Halmashauri ya Wilaya ya Chemba aliambatana na Mkuu wa Idara ya Utumishi Ndugu Hillary Mniachi pamoja na Watumishi wa Halmashauri ya Wilaya ya Chemba kutoa heshima zao za mwisho kwa mpendwa wao.

Ikumbukwe Ndugu Benjamini Gerome Mlesa  alifariki tarehe 09/09/2025  katika Hospitali ya DCMC Ntyuka  Jijini Dodoma alipokuwa akipatiwa matibabu.

Ofisi ya Mkurugenzi wa Halmashauri ya Wilaya ya Chemba itamkumbuka daima kwa uchapakazi wake katika kulijenga Taifa.

Raha ya milele umpe ee Bwana, na mwanga wa milele umwangazie, apumzike kwa Amani. Amina