Dc azindua ujenzi wa Hospitali

Posted on: January 23rd, 2019

Na Shani  Amanzi,

Mkuu wa Wilaya ya Chemba Mhe.Simon Odunga  afanya uzinduzi wa shughuli ya  Ujenzi wa Hospitali ya Wilaya  na kusema zoezi la kuanza ujenzi halikuanza hivihivi bali nguvu ya Madiwani kwa Wananchi bila kusahau Mbunge wao wa jimbo la Chemba Mhe.Juma Nkamiah kwa  kuhimiza kwa nguvu akiwa bungeni kwa kutaka Chemba kupata kipaumbele  kwenye Vituo vya Afya  hadi kwenye Hospitali ya Wilaya.

Mhe.Simon Odunga  aliongeza kwa kusema ujenzi huu unatakiwa kukamilika ndani ya miezi mitatu kuanzia sasa  na tunatakiwa majengo saba ambapo hakuna jengo la Upasuaji na Mochwari na wodi mbalimbli lakini wakishirikiana  kwa pamoja Wanasiasa,Mkurugenzi wa Halmashauri pamoja na Wataalam wake  na Wananchi wanaweza kuikamilisha Hospitali.

“Kiukweli Serikali ya Awamu ya Tano ya Mhe.Rais John Pombe Magufuli ni ya utekelezaji zaidi na tuna haki ya kumpongeza na kujidai kwani Chemba imepata fedha mara tatu kwa mpigo kwenye Vituo vya Afya  ambapo Kituo cha Afya cha Hamai tumepata milioni 600/=,Kituo cha Afya Mrijo tumepata milioni 700/= na Kituo cha Afya cha Kwamtoro tumepata milioni  700/=  lakini bado Serikali yetu imetupatia tena bilioni moja na nusu kwa kila wilaya  ambazo hazina hospitali za wilaya, ikiwemo Chemba   ’’aliongeza kwa kusema hivyo Mhe.Simon Odunga.

Mhe.Simon Odunga alifanya uzinduzi huo akiwa na Wananchi wa Chemba,Wafanyakazi wote wa Wilaya ya Chemba,Wanasiasa wa Chemba bila kusahau Baraza la Wazee katika eneo la Ujenzi wa Hospitali ya Wilaya,Tarehe 11/1/2019.