Alat mkoa yafanya ziara chemba

Na Shani S. Amanzi,

Mwenyekiti wa Alat  Mkoa –Dodoma Mhe.White Zuberi amefurahishwa  na kasi waliyonayo Viongozi,Wafanyakazi  na Wananchi katika kushiriki kwenye shughuli za kimaendeleo kwa kujionea wenyewe walipokuja Chemba.

Alat Mkoa- Dodoma iliyoshirikisha Halmashauri nane za Mkoa wa Dodoma imefanya ziara ya siku mbili kuanzia Tarehe, 25/5/2019  mpaka Tarehe ,26/5/2019 katika  Wilaya ya Chemba ikiwa na lengo la kukagua miradi mbalimbali.

Ziara hiyo wametembelea miradi mitatu ikiwemo Mradi wa Bwawa la Umwagiliaji Kidoka,Shule Shikizi ya Masimba na Hospitali ya Wilaya ya Chemba ambayo ipo kwenye hatua za mwisho.

 Mwenyekiti wa Halmashauri ya Mji wa Kondoa Mhe.Hamza Mafita  aliuliza kuwa kuna baadhi ya Halmashauri  wanapata changamoto ya manunuzi kwa upande wa  Halmashauri ya Chemba wanafanyaje  kwa upande wa Hospitali ya Wilaya.

 Mkurugenzi Mtendaji wa Halmashauri ya Chemba Dkt.Semistatus H.Mashimba alijibu kwa kusema " huwa tunafatilia mara kwa mara mafundi ,onyo la barua kwa wasimamizi wa mafundi,na wakati mwingine binafsi huenda paka madukani Dodoma mjini napokuwa na vikao kufatilia vifaa vimefikia wapi. "

Aidha katika ziara hiyo walishauri kwa upande wa Mradi wa Umwagiliaji uliopo kata ya Kidoka umechukua muda mrefu unapaswa kukamilika mapema na kutafuta masoko ya mazao watakayokamilisha mapema .

 Kwa upande wa Shule Shikizi ya Masimba wamepongeza kwa kuendelea vizuri na kuongeza majengo ili iweze kusajiliwa kwa sababu ni kijiji kipya cha Masimba ambapo ndipo shule ilipo.