TAMISEMI YAIPONGEZA CHEMBA

Posted on: August 12th, 2025

"Hongereni sana, katika miradi yote tuliyoipitia Siku ya Leo mmeitekeleza kwa ufanisi mkubwa, miradi yote imekamilika kwa asilimia kubwa, hii inatuonyesha kuwa Chemba kuna usimamizi mzuri wa fedha za Serikali muendelee hivyo hivyo"

Pongezi hizo zimetolewa  tarehe 12, Agosti 2025 na timu ya Wataalamu wa ufuatiliaji na tathimini kutoka TAMISEMI  ambao wamefika Halmashauri ya Wilaya ya Chemba kwaajili ya ukaguzi wa miradi ya maendeleo, BOOST, SEQUIP na miradi iliyotekelezwa kwa fedha kutoka Serikali Kuu.

"Tutawatumia kama  mfano katika Halmashauri zingine ambazo zimeshindwa kutekeleza miradi kama hii, tumefurahi sana pia kuona miradi ya BOOST na SEQUIP tuliyoikagua Siku ya Leo imekamilika na mingine imeanza kutumika, tuna imani kuwa January 2026 tutaleta Wanafunzi hapa"'amesema Ndugu Robert Sabwoya ambaye ni Mchumi Mwandamizi kutoka TAMISEMI

Aidha timu hiyo ya Wataalamu kutoka TAMISEMI imesisitiza juu ya utunzaji wa miradi hiyo na kuongeza kuwa Serikali imetumia fedha nyingi katika utekekezaji wa miradi hiyo, hivyo ni vyema itunzwe ili iweze kutumika kwa muda mrefu.

Miradi iliyokaguliwa na timu hiyo ni Shule ya Sekondari ya Wavulana ya Chemba (Chemba Boys) Shule ya Sekondari Kidoka, Nyumba za Watumishi, Nyumba ya Mkurugenzi, pamoja na Jengo la Utawala La Halmashauri ya Wilaya ya Chemba